Ara Mina maoy Dyesebel

Si Ara Mina ang modala sa papel ni Dyesebel sa nagpadayong pantaserye sa GMA-7 nga Darna nga gibitoonan ni Angel Locsin.

Sa plugging ikog pa lang ni Dyesebel ang gipakita apan natino na nga si Ara ang nakaangkon sa maong guest role diin ang iyang karakter gipaabot nga motabang kang Darna pagbatok sa mga dautan.

The role was originally offered to Francine Prieto apan ang sexy actress nibalibad tungod kay busy pa man siya sa "Sugo" gawas pa nga dili siya kahibaw nga molangoy.

Laing rason nganong gibalibaran ni Francine ang role mao nga magsugod na siya og taping alang sa book two sa "Encantadia" nga giulohan og Etheria.

Ang Darna ug Dyesebel puros obra mestra ni Mars Ravelo diin ang maong mga karakter gihigugma pag-ayo sa bagang duot sa mga Pilipinhon.