Giangkon ni Jericho nga nadani na siya kang Heart apan dili pa siya makaseguro kon gugma ba gyod kini, labi na kay nasayod siya nga may boyfriend na si Heart.
Uyon sad unta kang Heart ang iyang mga higala sa La Union ug nakauyon sad kono si Heart kanila. Gani, nag-organize pa man si Heart usa ka Barrio Fiesta sa mga taga La Union.
Midugang si Jericho nga serious pa kono siya sa ubang butang busa dili pa siya andam nga mahigugma pag-usab. Nagbirthday siya niadtong Septiyembre 22 apan wa makasaulog tungod grabe siya ka busy og sa maong adlaw, nagsakay siya og ayroplano kuyog ang ubang mga taga ASAP.
Magpaulian pa siya sa ila, moadto pa sa Bohol sa shooting sa "Panday."
Gipaneguro niya nga ang "Panday" maoy labing nindot sa tanang nahimo niya alang sa telebisyon. Magtiayon sila si Heart sa "Panday" busa, "feeling" niya, asawa gyod niya si Heart inig-shooting. Mawagtang lang ang "feeling" kon mahuman ang take. - Kriss Relatado / Ace Espinosa