Mommy ni Sunshine mireklamo

Wala magustohi sa inahan ug manager ni Sunshine Dizon nga si Dorothy Laforteza ang pagtratar sa produksiyon sa "Now And Forever, Agos" sa GMA-7 sa iyang anak mao nga mireklamo siya. Mipadayag si Dorothy nga alang kaniya, daw sa gidaogdaog sa kompaniya ang iyang anak. Kini ang hinungdan sa iyang reklamo.

Sa billboards diin gipatik ang mga ngalan sa cast sa teleserye, nahimutang sa kinaulahian ang ngalan ni Sunshine ug hanap pa gayod kaayo ang hulagway niini. Matud pa sa Mommy ni Shine, mas senior pa ang actress kon itandi ni Dennis Trillo ug Tanya Garcia nga nahauna kaniya sa billing.