Dili gyod mag-artista

Tungod kay guwapo ang suod nga higala sa mga Mandauehanon (dili ba, Leo Lastimosa?) nga si Marty Lim daghang masayop usahay ug makapangutana kon kinsa man kining artistaha, ug labaw sa tanan, daghan na siya'g nadawat nga mga offers aron himuon siyang artista. Apan ang Presidente sa Liga nga Mga Barangay sa tibuok nasud, miingon nga dili gyod siya mag-artista og ang pag-alagad ra gyod sa nasod maoy iyang tuyo.

Hinuon, duna na karon siya'y usa ka programa sa RPN -9 nga usa ka public service ug educational talk show nga nalusad niadto pang Septiyembre 3 ug may plano kining mosuway sa paghimo og taping sa nagkalainlaing dapit sa nasud labi na diha sa Mandaue City diin suod siyang higala sa mga Mandauehanon ug may RPN -9 man usab diha sa Maguikay, Mandaue City.

Angayan kunong atangan sa mga taga Sugbo labi na mnga Mandauehanon ang maong plano nga taping dinhi, kay ang plano, atbangan ang duha ka politiko sa Mandaue nga usa ka mayor ug usa ka congresswoman.