Giklaro ni Tanya nga kon nabuhat niya kadto dili ipasabot nga wala siyay batasan ug ingrata ug walay utang kabubut-on tungod kay iyang giangkon nga mauwawon lang gyud siya nga matang sa tawo.
Gitin-aw niya nga kon dunay angayan nga basulon nganong nahanap siya sa telebisyon og medyo nibugnaw ang iyang career kana walay lain kondili ang iya ra nga kaugalingon.
Kini tungod kay matud pa niya, siya mismo maoy nihangyo sa mga kadagkuan sa GMA-7 nga mopahuway una tungod kay human nanamilit ang iyang character nga si Paloma sa "Mulawin" duna na siyay gisugdan paggama nga laing soap.
Nagtuo siya nga dirediretso na ang dagan sa iyang career ug wala na unya siyay panahon sa pagpahuway kon sugdan na pagpagawas ang labing uwahi niya nga soap nga giulohan og "Noel."
Apan ang maong soap wala pa ipasalida sa GMA-7 busa kalit nga nawala ang maanyag nga bitoon sa sirkulasyon og medyo taas nga panahon.
Sa iya karon nga pagbalik gisaad ni Tanya nga dili na gyud siya mo-bakasyon pa og palabihon na gyud niya ang iyang career kaysa mangandoy nga makapahuway sa ingon makab-ot niya ang iyang gipangandoy nga kasikat.
Ning iyang pagbalik giangkon ni Tanya nga andam na siyang modawat og sexy roles nga mag-require kaniya og kissing ug love scenes basta wala lay breast exposure.
Gani matud pa niya nga seductive man ang iyang commercial alang sa usa ka beer ug gani duna pa siyay sexy pictures nga himoon unyang kalendaryo sa nahisgutang kompaniya.
Si Tanya kabahin sa latest sa episode sa "Now and Forever" presents "Agos" sa GMA-7 matag hapon diin kauban niya ang mga award winning stars sama nilang Christopher de Leon, Lani Mercado, Dennis Trillo ug Sunshine Dizon.