Makapa lo-vat kono si Osang

Dili na lang gyod kono hunahunaon nila ni Senador Bong Revilla ug Lani Mercado si Rosanna Roces, kay kon tagdon pa nila ang mga pasangil ni Osang, ma-lo-vat na hinoon kono sila og dili na sila matigayon sa ilang mga buluhaton. Bisa'g unsa na lang kono'y giyawyaw ni Osang sa usa ka programa sa telebisyon apan matud nila ni Bong ug Lani, dili na lang gyod kono tagdon si Osang. Hinoon, dili pod kono sila makapugong nila ni Bryan Revilla kon magpasaka og kaso ang batan-on nilang anak kay libelous na man kono kaayo ang mga pasangil ni Osang, og natino man sa drug test nga negatibo sa gidili nga drugas si Bryan. - Aion E. Adlawan / Kriss Relatado