Christian dili na affordable

Mihirit karon ang taho nga super mahal na ang talent fee sa sikat nga singer nga si Christian Bautista diin P500, 000 ang giingong pangayoon niini for a provincial show.

Ang pagmahal sa talent fee ni Christian nagsugod human misikat og maayo ang nahisgutang singer didto sa nasud sa Indonesia.

Si Carlo Orosa ang manager ni Christian giingong maoy istrikto kaayo sa budget diin sa higayon nga mohangyo na ang producer sa talent dali kining mamahayag nga dili mahimo gumikan kay sikat na ang singer didto sa laing nasud.

Ang nahisgutang singer nailhan sa publiko pinaagi sa unang batch sa Search for a Star in a million sa abs-cbn mga duha na ka tuig ang nakalabay diin ang nidaog mao si Erik Santos.

Platinum to platinum ang record sales sa mga album ni Christian gumikan kay daghan ang makilig sa iyang soulful renditions sa mga kantang "The Way You Look at Me og Hands to heaven."

Gawas sa endorsement alang sa usa ka food chain og frequent shows abroad busy usab si Christian isip usa sa mga leading men ni Anne Curtis sa pante seryeng Kampanerang Kuba.