Pagka presidente ang gusto

Apil si Michael V sa pelikulang nag-ulohan og "Enteng Kabisote: The Legend Continues" diin anaa gihapon si Vic Sotto isip Enteng Kabisote, kauban usab sila si Oyo Boy Sotto ug Aiza Seguerra.

Si Michael V maoy giila karon nga "Man of Many Faces" tungod sa daghan kaayo niyang mga characters sa iyang mga programa sa telebisyon sama sa "Bubble Gang," ug "Bitoy's Funniest Videos." Kinsay wa makaila kang Bebang, Junie Lee, Etong, ug uban pa. Gani, gitawag usab siya og "Master of Disguises" tungod sa iyang mga lain laing mga character sa "Yari Ka," portion sa "Bitoy's Funniest Videos."

Sa usa ka pagpakighinabi uban kang Michael V, gipangutana siya kon duol na ba ang higayon nga mosalga siya sa politika ug matud niya, kon segurong modaog siya sa pagka presidente, mosalga siya, kay wa siya'y laing dag-anan kon dili mao ang pagka presidente puslang mosulod siya sa politika. Apan kon dili siya makasegurong modaog siya, dili na lang.