Kahinumduman nga giintriga si Jaycee nga nagmabdos sa anak sa iyang uyab nga si Danilo Barrios apan giklaro sa sexy star nga never kini nga natinuod gumikan kay nanambok lang gyud siya kaniadto.
Giklaro usab ni Jaycee nga wala pa silay plano ni Danilo nga magminyo gumikan kay daghan pa silag plano alang sa ilang mga kaugalingon gawas nga 23 anyos lang siya samtang ang iyang uyab 24.
Si Jaycee maoy bida sa pelikulang "Ilusyon" nga gi-produce sa Viva Films diin himoon kini nga entry alang sa ipahigayon nga Cinemanila festival karong buwana.
Kini maoy launching movie ni Jaycee busa nanghinaut siya nga mabantayan sa mga moviegoers nga duna siyay ikaboga sa acting department ug angayan siya nga mamahimong character actress.
Leading man ni Jaycee sa nahisgutang pelikula ang multi-awarded actor nga si Yul Servo diin ang nauwahi nagpakita gyud sa iyang sexy nga lawas.