Wa pugsa si Dennis

Daghang nangutana kon dili ba kapoyon si Dennis Trillo karong panahona nga gawas sa fantaserye niyang "Darna" duha pa ka pelikula karon ang iyang gihimo ug usa niini, ang "Mulawin, The Movie" nga entry sa GMA-7 alang sa Metro Manila Film Festival.

Apan matud pa ni Popoy, ang manager ni Dennis, wa gyod kono'y reklamo si Dennis ug wa magpakita og kakapoy. Miingon si Popoy nga wa siya magpugos kang Dennis sa pagdawat sa mga projects ug si Dennis mismo maoy mohukom sa pagdawat sa tanan niyang mga projects.

Si Dennis Trillo na lang karon ang nagbinugtong nga talent nga gi-manage ni Popoy kay matud niya, giampingan niya pag-ayo ang career ug physical condition ni Dennis ug matud niya, dili kana niya mahimo kon magtener siya og daghang mga talents.