Cebuana ang Next Big Thing?

Si Kristine Gonzaga Demetrio, usa ka Cebuana, ug nasakop sa One In Him Band ni Chad Borja, usa sa Final Five nga napili sa bag-ong nalusad nga proyekto sa Mc-Donalds ug Vicor Music Corporation. Nalusad ang maong proyekto dili pa dugay sa buwan sa Hulyo didto sa Mc-Donalds-JY Square, ug ang deadline sa submission alang sa gustong mosalmot mao ang Hulyo 15 ug hapit na unta siya mohukom na dili na lang moapil kay giubo siya apan gidasig siya sa usa ka higala pamasin nga ma-qualified. Gi-record na lang niya ang iyang awit nga nag-ulohan og "Emotions" sa Destiny's Child, og "Weak" sa Sisters.

Gisumiter niya kini sa alas 10 sa gabii sa MC-Donalds-Jones. Wa gyod siya magdahom nga ma-qualified siya apan pag-Agosto 2, nakalitan siya kay gitawag man siya og gipahiwo nga sa dul-an sa 70 ka mga entries, usa siya sa napiling kauban sa "Magic Five" busa gipadala siya sa Manila niadtong Agosto 4. Ang grand champion modawat og P250,000.00 og singing contract sa Vicor. Naglaom ang mga Sugboanon nga si Kristine maoy mapiling "Next Big Thing". Hinuon giangkon ni Kristine nga wa pa niya makakita ang lain pang upat ka finalist og wa siya masayod taga diin kini sila ug kinsa.