John Estrada labihan nga nakalimod

Super deny ang aktor nga si John Estrada kalabot sa labing ulahi nga issue batok kaniya nga gibato sa sexy starlet og miyembro sa grupong "The Bodies" nga Rizza Ruiz.

Ang nahisgutang starlet nangangkon ning bag-o lang nga nagkarelasyon sila ni John human sila nagkaila og tulo ka buwan og gani misangpot kini sa panagtagay sa kalibutanong kalipay sulod sa usa ka motel diin sakay sila sa top down nga kotse sa aktor atol sa ilang pag-check in.

Labihang nakalimod ni John pinaagi sa pag-ingon nga wala siya makaila sa nahisgutang starlet ug nga matud pa niya bisan og si Jennifer Lopez pa ang maong babaye dili niya kini ibaylo kang Vanessa del Bianco.

Apan namahayag si Rizza nga sa gag-show nga "Ok Fine Whatever" sila nagkaila ni John sa dihang nahimo siya nga guest ug gipangayo gilayon sa aktor ang iyang number sa cellphone.

Gumikan niini labihang lagota ni John ug namahayag pa kini nga nag-ilusyon o nagdamgo lang ang nahisgutan nga starlet hinungdan nga nihagit si Rizza nga mopailawom sila sa lie detector test aron masuta ang tinood.

Giangkon hinoon ni Rizza nga ang hinungdan sa iyang pagyagyag sa ilang nahimong relasyon ni John naggumikan kay wala tumana sa aktor ang saad niini nga himoon siyang mainstay sa Ok fine.