Magbisitahan gyod kono si Paolo kang Aubrey

Hugtanong gipanghimakak gyod ni Paolo Bediones nga may relasyon sila si Aubrey Miles nga maoy hinungdan sa panagsang panaglalis nila ni Troy Montero.

Gipanghimakak usab kini ni Aubrey Miles ug matud niya, kon magkalalis man usahay sila si Troy, dili tungod sa relasyon nila ni Paolo kon dili sa pipila ka mga desisyon nga dili dayon sila magkauyon. Apan daw duna gyo'y dili motuo niini kay may nakakita man gyod kono ni Paolo nga magbisitahan ni Aubrey.

Sa pangutana kon tinuod ba nga mobisita kaniya si Paolo, mipahiyom lang si Aubrey ug miingon, "ni minsan hindi bomibisita ang Paolo na 'yan. Seguro, 'yong time na 'yong nakita si Paolo sa tinitirahan ko, 'yong galing kami sa shooting sa "Exodus". Hinatid niya ako dahil wala akong sasakyan. Nasa talyer 'yong kotse ko, at wala si Troy.