K Brosas nahibong

Nahibong ang singer comedienne nga si K Brosas nganong giugkat pa ni Gladys Guevarra ang isyu tali kanila og sa ilang banda nga unta duha naman ka tuig ang nilabay human kini nahitabo.

Si Brosas ug Gladys kauban kaniadto sa banda nga Gladys and the Boxers apan kalit kining nibiya sa grupo human nila na record ang novelty song sa "Sasakyan Kita."

Gi-produce sa Viva records ang album nga nagda sa nahisgutang kanta apan gumikan kay nibiya og kalit si Gladys gitangtang siya sa mga posters ug uban pang publicity materials.

Nahimong K and the Boxers ang ngan sa banda diin dali ra nga napatch-up ang nagkagrabe unta nga gap tali ni Gladys ug Brosas.

Apan atol sa Bulagaan portion sa "Eat Bulaga" niadtong nakalabay nga semana kalit nga nagdayalog si Glady's og "wala silang mga puso" nga ang gitumbok mao ang K and the Boxers.

Kini human wala ma- recognize og apil si Gladys sa album nga unta apil man kini sa maong kanta nga bag-o lang nakadawat og pasidungog.

Matud ni Brosas tinuod nga apil si Gladys sa kanta apan tungod kay kalit kining nibiya sa grupo wala na siya iapil sa credits sa album.