Dili na palikero si James

Dili na kuno palikero karon si James Yap sukad nga nagkarelasyon sila si Kris Aquino. Wala itago ni James nga daghan kaayo ang babaye nga miagi sa iyang mga kamot sa wala pa niya ikahibalag si Tetay nga sobra sa napulo ka tuig ang kamaguwang niinig edad kaniya. Si Tetay kuno ang nakapausab sa dagan sa iyang kinabuhi.

Matud pa ni James nga sukad nga miabot si Tetay sa iyang kinabuhi, nausab ang iyang panud-ong sa kalibotan. Nagreporma na kuno si James sa iyang kinabuhi aron molungtad ang relasyon nila ni Kris. Miangkon usab ang basketbolista nga dako gayod kaayo ang iyang pagmahal ngadto ni Tetay.