Si Assunta apil usab sa powerhouse cast sa upcoming production sa ABS-CBN nga "Vietnam Rose" diin ang iyang role usa ka "mistress".
Matud pa ni Assunta nga nalipay siya nga makabuhat na usab siya og drama diin gihangop niya ang maong role.
Gipasalig niini nga magustohan kini sa publiko.
Makauban ni Assunta sa Vietnam Rose si Maricel Soriano kinsa maoy midala sa papel nga legal nga asawa ni Jay Manalo.
Ang maong drama show usa ka acting showdown nila ni Maricel ug Assunta.
Giangkon ni Assunta nga usa ka dakong dungog niya nga makapares si Maricel apan gibati usab siya og nerbiyos.
Si Maricel ug Assunta pareho kini nga mga multi-awarded actress.
Gikataho nga si Assunta usa sa personal choice sa director sa maong show nga si Joel Lamangan nga modala sa opposite nga papel ni Maricel.