Jed Madela sakop na sa 'Kapamilya'

Si Jed Madela miyembro na sa Kapamilya network ug makauban na kini sa ASAP'05 karong Domingo.

Si Jed maoy nakadaog sa World Champion for Perfoming Arts nga gipahigayon ngadto sa US.

Giawit niini sa atubangan sa mga sakop sa press ang iyang winning piece nga "I Don't Wanna Miss a Thing" ug gidayeg kini sa mga tawo nga mitambong sa maong kompetisyon.

Pormal nga gipahibawo ni Jed ngadto sa press ang iyang pagkamiyembro sa ASAP'05.

Ang 25-anyos nga si Jed Madela nakasuway usab kini sa pag-apil sa laing mga singing competition pareha sa awit Awards.

Ang singer aduna na kini duha ka album karon ug usa sa iyang mga single mao ang kanta nga " Love Always Finds A Way" ug gi-produce kini sa Universal Records.

Gikan sa Iloilo ang kagikan ni Jed Madela diin ang mga igsoon usab niini mahiligon usab sa musika.