Puede na kono sa drama si Diana

"Puede na talagang mag-drama si Diana," miingon kono si Iza Calzado, kauban si Dina Zubiri sa big budget telefantasya nga nag-ulohan og "Encantandia."

Gani, matud pa ni Iza, sa pagka karon, kanunay nang mga dramatic scenes ang makita sa mga televiewers sa maong telefantasya. Miingon usab si Karylle, kauban gihapon nila sa maong programa nga, tingali tungod kay miagi usab og mga kapaitan si Diana. Mahinumduman nga usa siya ka "battered daughter." Kanunay siyang gihulga sa palahubog niyang amahan kon dili siya makahatag og kantidad nga iyang pangayoon.

Miingon si Diana, kaniadto mohatag gyod siya kanunay sa iyang amahan, apan nasayran niyang ipanugal ra og ipainom sa mga higala ang iyang ihatag, og wa raba gyod siya makatilaw sa mga pagpangga sa amahan kay nagdako man siya sa kiliran sa iyang inahan nga gibiyaan sa iyang amahan.