Troy gusto nang pakaslan si Aubrey

Troy Montero excited na nga irampa si Aubrey Miles ngadto sa altar para manumpa na sila nga magkauban sa tibook nilang kinabuhi.

Matud pa ni Aubrey nga magsige og palabtik og sulti nga ipaagi lang og komedya kabahin sa ilang pagpakasal si Troy.

Siguro sa future posible apan mahimo usab kining imposible ug dili lang usa kuno karon, matud pa ni Aubrey.

Busy kaayo ang actress tungod sa mga proyekto niini nga nag-abot-abot hinungdan nga wala pa sa iyang huna-huna ang pagpakasal.

Apan ang actress nagplano nga mo-settle down sa dili pa moabot og 30 ang iyang panuigon diin andam kuno nga maghuwat si Troy kung kanus-a si Aubrey mouyon nga magpakasal.

Si Aubrey usa sa mga bitoon sa "Exodus: Tales of Enchanted Kingdom", ug sa "Lisensyadong Kamao" diin leading lady siya sa boxing medalist nga si Manny Paquiao.