Paminaw, Ryan Mark. Moangkon ko nga anaa ang akong kasingkasing sa mga taga KAPAMILYA labi na sa kauban nato dinhi sa The Freeman ug Banat News nga si Leo Lastimosa, ug nila ni Trixie, Jun Perez, Bob Malazarte, Edgar Gutierrez (usa gyod sa nahimo nakong labing suod sa broadcast media) ug uban pa, pero giangkon na man sad ni Mam Charo nga pilde sa rating ang ABS sa GMA. Moangkon na lang sad mi si Leo, pero nanghinaot mi nga pinaagi sa bag-ong programa sa ABS-CBN nga, "Pinoy Big Brother makabangon na ang ABS-CBN.
Ga-pray pod mi, Ryan Mark, nga at least makapatas og gamay sa rating ang "Vietnam Rose" ug ang "Panday."
Hinaot unta, kay naghangyo raba sad to nakong akong suod sad nga artista nga si Ricky Davao nga buligan nako ang "Vietnam Rose" ug ang "Panday," kay apil baya pod siya. Makatalikod ba ko ni Ricky Davao, Ryan Mark? Dili!!!!
Pero, kinsa may mga anchor sa "Pinoy Big Brother?" Pastilan, sila ra tawon si Willie Revillame, Mariel Rodriguez ug Toni Gonzaga. Makabangon kaha ang ABS pinaagi ani nila?