Gimik ni Allan K klik sa audience

Klik kaayo sa audience karon ang gimik ni Allan K nga "money bowl."

Nagsugod kini sa "Bulagaan" segment sa 'Eat Bulaga" diin ang mga Bulaga gang magpagawas sa ilang mga "witty punch lines for the day" ang naka-costume nga si Allan K magliyok-liyok nga nagkanta-kanta sa studio.

Naggunit kini og bowl nga puno sa kuwarta sa mga studio audience.

Hit kaayo ang gimik ilabi na nga ang kuwarta adto mapadong sa foundation ni Allan K.

Gidayeg usab sa mga televiewers ang maong ideya ug ila kining suportahan pinaagi sa paghangop sa ubang mga show sa actor.

Ang management sa "Eat Bulaga" nahimuot usab sa pakulo nga gipauso ni Allan K diin misaad kini nga tabangan ang actor nga maka-raise og daghang kuwarta para masulod sa bowl.

Ug ihatag nila kini sa actor para ngadto sa foundation niini karong moabot nga pasko.