Birthday ni FPJ gisaulog ni Susan

Gisaulog sa beteranang actress nga si Susan Roces uban sa iyang pamilya ang ika-65th anniversary sa adlaw'ng natawhan sa bana niining si Fernando Poe Jr. (FPJ).

Ang maong selebrasyon didto nila gipahigayon sa mausoleum ni FPJ.

Ang anak ni Susan nga si Mary Grace ug ang miyembro sa ilang pamilya ug mga supporters nagdagkot og mga kandila ug naghalad og mga buwak ngadto sa lubong sa kanhi actor ug presidential candidate didto sa North Cemetery sa La Loma Quezon City.

Si Susan mipasalamat ngadto sa mga tawo kinsa miduyog kanila sa pagselebrar sa adlaw'ng natawhan ni FPJ.

Gikan sa sam-ang mideretso ang actress uban sa iyang pamilya ngadto sa Mother Teresa's Missionaries of Charity Home for the Dying Destitute sa Manila diin gipahigayon ang misa nga gihalad alang ni FPJ.

Niadtong Hulyo 28, niining tuiga sa pagsaulog ni Susan sa iyang ika-64 nga adlaw'ng natawhan miadto kini ngadto sa lubong ni FPJ.