2 ka composer, usa ka singer

Sa katapusan, nakakita gyod og singer si Engr. Bernard Gocela alang sa iyang usa sa mga entry sa umaabot Metro Cebu Popular Music Festival, laing taga Cebu Normal University nga gihinganlan og Imelda Yu, ugaling lang, kay si Imelda Yu, mao usab ang moawit sa composition sa laing award winning composer nga si Troy Ciar.

Mahinumduman nga si Engr. Gocela ang naghimo sa awit ni Sheryn Regis nga midaog, ang nag-ulohan og "Banay" ug sa lain pang awit nga giawit ni Nerissa Mantilla (karon Rizza Navales na).

Si Sheryn, gradwada usab sa CNU. Si Ciar ang naghimo og midaog sa tuig 2003, sa awit nga giawit ni Maricel Suaring (nadala usab sa Star In A Million). Ang composition nila ni Roger Serna ug Jon Cabellar, awiton ni Jojo Rafaeles. Wa pa masayri kinsay moawit sa ubang mga composition hangtod sa pagsulat niini.