Dolphy mikatawa lang sa taho nga deadball siya

Si comedy king Dolphy gikataho nga namatay?

Nikatawa lang ang comedy king sa maong taho diin matud pa niini nga dako pa siyang buhi.

Ang nahisgotang balita mikuyanap niadtong Biyernes sa buntag.

Ug wala siya kahibalo og kinsay nagpasiugda ug nagpakuyanap niini.

Apan dili lang kini ang higayon nga gikataho nga si Dolphy mitaliwan na ngadto sa laing kalibutan.

Niadtong una gikataho sab kini nga namatay sa usa ka seryosong balatian.

Ug pagkasunod gikataho nasab kini nga namatay sa usa ka aksidente.

Apan matud pa ni Dolphy nga ang maong mga balita naghatag kaniya og pagdasig nga mabuhi pa sa taas nga panahon nga malipayon uban sa iyang pamilya ug mga kahigalaan.

Ang comedy king bag-o lang nga nagsaulog sa iyang ika-77 nga anibersaryo sa adlaw'ng natawhan.