Giintriga usab si Bong ug Lani

Nanggawas ang mga balita nga mibalik sa pagka Pabling (playboy) si William Martinez ug may usa ka reporter nga misulat nga nakita nila si William sa usa ka bar nga may kaubang babaye, ug usa pa ka higayon, nakita nilang "high" sa drugas si William, apan gipanghimakak kini nila ni William ug Yayo.

Giangkon nila nga may gikasulti si William sa maong bar, apan nasayod kuno si Yayo nga higala kadto nila ug niadtong nakita si William nga "high" giangkon ni William nga medyo hubog siya niadtong panahona. Laing intriga usab, may relasyon na sad kuno sila si Bong Revilla ug ang kanhi "Mutya Ng Pilipinas" nga si Josephine Canonizado, apan gipanghimakak usab kini nila ni Bong ug Labi, ug matud pa ni Lolit Solis nga manager ni Bong. "mahilig sa may asawa 'yan, pero walang gusto si Bong sa kanya."