Matud pa niini nga matawag na gyud niya ang iyang kaugalingon nga tinood na gyud nga concert artist.
Karong Septiyembre 30 niining tuiga ang unang solo concert ni Sarah diin adto kini ipahigayon sa Araneta Coliseum.
Si Sarah nakahakot na og tulo ka platinum album sa iyang pangalan.
Ang tulo ka platinum album ni Sarah mao ang Triple platinum award for the "Star For A Night" album," quintuple platinum award for solo recording titled "Popstar" ug ang double platinum sa iyang latest release "Sweet Sixteen."
Si Sarah kaupat usab nga higayon nga napili sa MTV Philippines 2004 awards.
Karong bag-o lang si Sarah kaupat usab nga napili sa 17th Awit Awards.
Ang batan-ong singing artist nakadawat usab kini og mga pasidungog para sa Best Performance by a New Female Artist ug Best Dance Recording sa "Sa Iyo".
Ang batan-ong singer maoy usa sa role model ug mihatag og dasig sa mga kabatan-onan karon.
Ang mga guest ni Sarah sa ipahigayon nga concert mao ang kanhi fellow talent-search niini nga si Mark Bautista ug ang actor nga si Piolo Pascual.