Teamwork ni Diana, Al padayon

Sa nahunahunaang bag-ong proyekto ni boss Robbie Tan, giingon sa promo queen nag si Ms. Josie S. Pereyra nga nag-ingon si Boss Robbie nga ipadayon niya ang gitawag niyang team-work nilang Diana Zubiri ug Alfred Vargas nga nahimo na usab karong loveteam sa telebisyon sama sa "Engkantadia."

Nalipay si Boss Robbie sa nahitabo sa career karon sa iyang mga artista sama kanila ni Francine Prieto, Diana ug Alfred.

Si Alfred nga gilambigit kang Rochelle Pangilinan (sa sex bomb) apan nanghimakak sa maong relasyon, giingon na nga mas daring pa kay kanila ni Jericho Rosales ug Dion Ignacio nga gisundan niya sa pagka endorser sa Walker, kay sila si Jericho ug Dion, wa man gyod magsul-ob og brief sa mga billboards. Gikan sa ABS-CBN si Alfred, ug matud niya, tingali tungod kay nakaplagan lang siya sa usa ka "Bikini Open" giminosan og gigamyan ra ang ABS-CBN kaniya. Tingali wa masayod ang ABS-CBN, nga abogada ang iyang inahan ug negosyante ang amahan.