Jackielou wa mosuporta

Gihatagan og negatibong interpretasyon sa mga kritiko ang wala pagpakita ni Jackielou Blanco sa premire night sa pelikulang "Mga Pusang Gala" diin usa sa nagdala sa mahinungdanong papel ang iyang bana nga si Ricky Davao. Sama ra kuno nga wala suportahi ni Jackielou ang pelikula sa iyang bana.

Ang premiere night gipahigayon sa Greenbelt 3 Cinema dili pa lang dugay. Bisan si Lallie Lacaba sa UP Film Institute nagduda sa gibuhat ni Jackielou tungod kay karon pa nahitabo nga wala motambong ang actress sa pelikula nga giapilan sa iyang bana. Sa nangaging mga pelikula ni Ricky, present man gayod si Jackielou sa premiere night.

May nag-ingon nga may laing appointment kuno si Jackielou atol sa maong higayon apan daghan ang wala motuo kaniya. May lain gayod kunong hinungdan kon nganong wala makatambong si Jackielou sa maong okasyon.