Adik kuno si Rustom?

Ania si Rustom Padilla karon sa Pilipinas ug daghan ang natingala sa dakong kausaban sa iyang lawas. Midaot siyag maayo karon, lahi sa lawas niya kaniadto nga macho kaayo. Karon nagniwang siyag maayo ug may nagduda nga nag-take siya og gidiling drugas maong mihugo ang iyang lawas.

May nakakita ni Rustom nga mitambong sa premiere night sa usa ka pelikula ug namatud-an nila nga nagniwang gayod siya. Mora gyod kunog adik. Nawagtang na kuno ang kaambongan ni Rustom gumikan sa dakong kausaban sa iyang lawas.

Aron pagklaro sa mga pagduda, gipakigkitaan siya sa press people ug gipangutana kon tinuod bang nagdrugas siya hinungdan nga mihugo ang iyang lawas. Miingon si Rustom nga dili tinuod ang maong isyu. Gituyo kuno niya ang pagpaniwang tungod kay epekto kini sa iyang work-out ug diet.