Sandara gusto'g bag-ong lead man

Ang Koreanang actress nga nagbase dinhi sa Pilipinas nga si Sandara Park gusto og bag-ong leading man.

Matud pa ni Sandara nga dili siya gusto nga si Hero Angeles iyang ka love team maoy iyang permamenteng kaparis kung mopadayon siya sa iyang showbiz career.

Gusto usab niyang masuwayan ang lain-laing mga leading man nga iyang makapares.

Bag-o lang ang charming nga Koreana mibalik sa Pilipinas para surprisang motambong sa birthday celebration sa suod niining higala.

Sayo niining tuiga toa na magbase sa Korea si Sandara para sa iyang pagtuon.

Si Sandara ug Hero gikatahong nagkabangi tungod sa romantic link sa actress ngadto ni Joseph Bitangkol suod nga higala sa actor ug finalist sa ABS-CBN Star Circle Quest.

Giangkon ni Sandara nga hangtud karon pabilin pa gihapon nga wala ma settle ang ilang mga panagbangi ni Hero human niadtong ilang kataposan nga proyekto.

Ang actress midugang nga nakalimtan na niya ang tanan nga nahitabong panagbangi nila Hero apan wala siya makahibawo kung unsay iyang reaction kung magkakita sila sa actor.