US Pinoys proud ni Cesar

Mga Pinoy didto sa US nga nakakita sa Cesar Montano starrer nga "The Great Raid" atol sa premiere niini sa Washington, D.C. proud na proud sa Bol-anong super actor.

Kini sumala sa e-mail nga atong nadawat gikan sa atong amiga nga si Carmencita de Dios kinsa usa sa mga Pinoy nga nakakita sa premiere showing sa nahisgutang pelikula.

Makita ang dakong pagka-proud sa mga Pinoy sud sa sinehan, suma pang Carmencita, dihang grabe ang pinakpakay atol sa pag-introduce kang Cesar Montano ngadto sa audience.

Suma pang Carmencita namakpak usab ang mga Pinoy inig pakita ni Cesar og maayong performance sa screen.

"Usahay mora kog mauwaw...basig moingon ang mga Amerikano nga nanan-aw usab nga mga ignorante ta. Pero saon man, ma-carried away gyud tang mga Pinoy tungod sa kamaayo sa acting sa atong paisano," matud pa ni Carmencita.

Incidentally, ang schedule sa showing sa "The Great Raid" dinhi sa Pilipinas is August 10.

* * *

Nag-anam saka ang rating sa "Sugo" sa GMA diin ang lead stars niini mao si Richard Gutierrez ug ang Cebuanang actress nga si Isabel Oli.

Daghan ang na-impressed sa performance ni Isabel sa maong teleserye diin Isabel usab ang pangan sa papel nga iyang gidala isip love interest ni Richard Gutierrez.

Ang pagkamaayong mo-act ni Isabel giparesan pa gyud sa iyang kaguwapa nga gitawag sa uban nga wholesome. Sa tan-aw ko hayag kaayo ang kaugmaon ni Isabel sa natad sa showbiz.

Nahibawo ba mo nga si Isabel Oli taga Labangon, Cebu City, ug nakatungha sa University of San Jose-Recoletos?