May pelikula na si Jasmine Trias

Ang kaliwat og taga Cavite nga si Jasmine Trias mi-record og upat ka kanta aron idungag sa orihinal niyang debut album nga gihimoan og Philippine version ug iapod apod sa Universal Records dinhi sa Pilipinas ug sa Clockwise Clockwork Entertainment didto sa Amerika.

Duha sa mga kanta tinagalog ug matud pa ni Jasmine, bahala na ang mga Amerikano kon makasabot sila sa kanta.

Midugang siya sa pagpahibawo nga lahi kining bag-ong version sa iyang album kay sa "American Idol" inosente man ang iyang image, apan dinhi sa bag-o, mas may pagka soulful.

Gawas sa bag-o niyang album, may pelikula na usab siyang himoon nga nag-ulohan og "All-Girl Band" diin, ikauban niya sila si Hilary ug Haylie Duff.