Sandara palpak sa Korea

Misibaw karon ang taho sa kaulohan nga disappointed ang youngstar nga si Sandara Park gumikan kay wala kini magustohi sa mga producers didto sa kaugalingon niyang nasud sa Korea.

Apan ang maayong balita mao nga mobalik na sunod buwan ang Koreanang aktres aron padayonon ang iyang nabiyaan nga career human siya nidesisyon nga motungha og dance and voice lessons alang sa iyang maayong kaugmaon sa showbiz.

Suma pa sa mga taho nga sige og text sa iyang mga higala dinhi sa Pilipinas ang Koreanang aktres diin iyang giangkon nga lisud sudlon ang entertainment industry sa Korea gumikan sa kataas sa standard sa mga direktor og producers didto

Nasabtan ni Sandara nga dili lang igo nga kahibaw ka mosayaw, moarte og mokanta didto sa Korea apan gikinahanglan usab nga lig-on ang imong mga koneksyon.

Si Sandara gihigugma sa mga Pilipinhon human siya nalakip sa fabulous five sa Star Circle National Teen Quest sa Kapamilya network niadtong 2003.

First runner-up lang siya ni Hero Angeles apan mas giuwan siya og product endorsements human siya napili nga texters choice sa nahisgotang contest.

Si Sandara ug Hero nakahimo og duha ka pelikula ubos sa Star Cinema ang "B Cuz of U" ug "Can This Be Love" maayo kini og resulta sa takilya apan nabugnaw ang pagbati sa duruha ngadto sa usag usa human nabisto nga si Joseph Bitangcol ang tinood nga uyab sa Koreana.