Memorable ang miaging birthday celebration ni sexy star Juliana Palermo didto sa Amerika. Memorable tungod kay suma sa taho gipagawas siya sa bar diin iyang gi-celebrate ang iyang birthday.
Suma sa report, gipagawas si Juliana sa maong bar tungod kay matud sa manager underage kun menor de edad pa ang guwapang Davaweña. Ang tinuod si Juliana nagpangidaron na og 21 anyos.
So unsay gihimo ni Juliana? So samtang nangaon ang iyang mga amiga ug amigo sulod sa bar in celebration of her birthday, si Jul niadtog usa ka grocery store diin namalit siya sa mga snack foods aron di kapasahan og gutom.
Dili lang kutob sa pasexy si Allen Dizon. Maayo ang feedback sa acting niya sa drama series nga "Mga Anghel Na Walang Langit." Enjoy siya sa iyang mga co-stars nga mga bata kay mora silag magduwa sa set.
Apil sad si Allen sa grupong Viva Hotmen nga busy karon sa promo sa ilang album titled "Pandesal" under Viva Records. Balik siya sa pagpakita ug lawas sa sexy video ni Asia Agcaoili nga "Erotica". Human ini, sugdan na sad niya ang shooting sa "Private Room" with Kristine Jaca. Siya sad ang leading man sa 7 ka sexy stars sa stage play entitled "Private Parts."
Daghan ang nakamatikod sa dakong kausaban ni Claudine Barretto. Tinuod nga compared sa past films niya, makita nga samot nga niputi na gyud siyag maayo karon. Of course, di man sad ta motoo nga ang responsible ini mao ang product nga iyang gi-endorse recently lang. Sa latest movie niyang "Nasaan Ka Man," puti na kaayo siya. Well, hinuon, sa kadaghang paagi sa pagpa-enhance sa beauty karon, di na kahibugngan di ba?