Giintriga si Lorna

"Ex Ko 'To..." maoy ulohan sa bag-ong gilusad nga programa sa ABS-CBN, ug ang mga artista nga mangapil niini mao ang kanhi magtiayon ug kanhi nagkahigugmaay sama kanila ni Jomari Yllana ug kanhi asawa, Aiko Melendez; ug Rudy Fernandez ug ang inahan sa anak ni Rudy nga si Mark Anthony Fernandez, si Alma Moreno.

Sila si Jomari ug Rudy gikan sa GMA-7 pero way kabilinggan si Jomari, si Rudy ang may kabilinggan,kay naa pa si Lorna sa GMA-7, inahan sa kaluha nga "Sugo."

Tungod niini, giintriga na si Lorna karon ug matud pa sa mga tsismis, na-insecured na ang gitawag og "Star of the First Magnitude," kay seguro man gyong magkabalik sila si Rudy ug Alma, kay kon wa na untay gusto si Rudy kang Alma, dili gyod siya mosugot nga ipares pag-usab kang Alma, ug dili sad unta siya mobiya sa GMA-7. Wa raba sad kono'y seguro nga dili dayon ipaundang sa ABS-CBN ang ilang programa, labi na kon dili mo-click.