Sakop sa UV choir may potential

Nangita na karon og lain na usab nga singer si Engr. Bernard Gocela, ang iladong composer nga kadaghan na modaog sa nagkalain-laing mga bangga sa pagmugna og mga awit.

Siya'y naghimo sa winning song "Banay" nga giawit ni Sheryn Regis ug siya usab ang naghimo sa awit nga nadag-an ni Nerissa Mantilla nga karon iladong recording star nga nagdala na sa ngalan nga Rizza Navales ug midaog usab siya sa usa pa ka song writing contest sa COSAP (sa ABS-CBN) ug lain pang singing contest nga gimugna sa DYRF.

Sa akong pagpakighinabi kaniya, mitumaw ang ngalan ni Jimmy Marquez nga matud niya, maoy iyang gidudahang may potential gyod nga modaog, og wa pa usab ko malimot nga si Jimmy Marquez, gipaila ni Conductor Loy Cinco, ang usa sa mga sakop sa UV Choir. Pastilan, kon matinuod, pagka nindot, dili ba, Dax Barlaan? Tuod, may lain pang nakalusot nga taga Cebu, distant relative ni Dulce, si Bryan Llamedo. Di ba, Marites Llamedo may tinuod nga ngalan ni Dulce?