Nalipay apan nasubo

Nalipay kaayo si Kristine Hermosa sa pagkahibawo niya nga siya maoy napili alang sa pagpadagan pag-usab sa "Gulong Ng Palad" nga maoy nakapasikat kaniadto ni Romnick Sarmenta sa bata pa kini.

Si Kristine maoy padad-on sa papel nga gidala kaniadto ni Marianne de la Riva, apan nasubo usab siya nga dili diay si Diether Ocampo maoy ipares kaniya sa papel nga gidala kaniadto ni Ronald Corveau (kanhi bana usab ni Marianne).

Labaw pang nasubo siya nga wagtangon na ang "Bora" nga gibidahan nila ni Diether ug mga kauban niini sa The Hunks.

Timaan lang kini nga nahigugma gihapon si Kristine kang Diet. Gani, miingon man gyod kono si Diet nga moabot gyod ang panahon nga magpakasal sila sa simbahan. Ang nahitabo kono nila, miabot "At the wrong place og sa sayop nga panahon."

Laing mawagtang mao ang "Showbiz No. 1" apan may laing project pa si JC Cuadrado samtang si Nina Corpuz tua sa laing nasud alang sa usa ka scholarship.