Usa ka pelikulang comedy apan mananakot, sa Tinagalog pa, ang itanyag sa Star Cinema sa mga Sugbuanong makisine unya sa Hulyo 27. Kining salidaha mao ang "D' Anothers" diin ang leading stars mao sila si Vhong Navarro ug Toni Gonzaga. Sa maong duha ka pangalan lang daan klaro nang grabe ka kataw-anan kining labing ulahing offering sa Star Cinema.
Kining novelty comedy maoy labing unang big screen tandem nila ni Vhong ug Toni ug seguradong alegre gyong salida ang nagpaabot natong mga makisine. Kini tungod kay kining duha nailhan na sa ilang maayong pagkakomedyante.
Ang "D'Anothers" ikaduha na ning pelikula ni Vhong ubos ni direk Bb. Joyce Bernal kinsa mao say ni-direk sa "Mr. Suave" niadtong 2003. Maayong pagsulbong sa bituon ni Vhong human sa "Mr. Suave" ug gipaabot nga mas mosaka pa gyud ang maong bituon ni Vhong human niining 'D'Anothers."
Ubang sakop sa cast sa "D'Anothers" mao sila si Joross Gamboa ug Roxanne Guinoo ug uban sab sila si Jhong Hilario ug Neri Naig.
