Wa nay kinatulgan si Marvin Agustin

Grabe na kaayo ang excitement ni Marvin Agustin karong panahona, namatikdan na gani sa iy ang mga co-host sa "M.R.S." nga sila si Amy Perez ug Roderick Paulate nga usahay, masayop na gyod si Marvin busa, kantyawan na gyod nila.

Doble man god ang excitement karon ni Marvin, kay gawas nga mora'g mahinayon na gyod ang pelikula nila ni Jolina Magdangal, hapit na pod matawo ang kaluha sa iyang girlfriend nga si Tet Dy, ug labaw sa tanan, pulos gyod mga lalaki nga matud pa ni Marvin nga kanunayng nagpahiyom karong panahona, "dili o di mawawala ang apelyido ko."

Adto manganak sa US si Tet, aron sad kono, inig-panganak, automatic nga US citizen ang bata. Ang inahan nga anak ni kanhi Governor Faustino Dy sa Isabela wa maglaom nga pakaslan ni Marvin, apan magpabilin silang managhigala og dad-on sa bata ang apelyido ni Marvin.