Ila-ilaha si Renz Valero

Dili siya ang sikat nga singer nga si Renz Verano. Dili sab siya ang anak ni Rudy Fernandez nga si Renz Fernandez. Siya mao si Renz Valero, ang sandwich spread endorser sa "Ham nga!" TV commercial. Sayis anyos pa lang si Renz ug dako pa kaayo siyag paglaom nga mosikat sa kalibotan sa showbiz.

Unsay angay natong masayran bahin ni Renz? Well, usa na usab siya ka showbiz personality. Una siyang nag-artista sa teledramang "Noel" sa Filmex nga wala pa ikapasalida hangtod karon. Mahinungdanon kaayo ang role niya sa "Sugo" nga gibidahan ni Richard Gutierrez. Nangandoy si Renz nga makahimo og pelikula sa big screen sa umaabot nga mga adlaw.