Kempee maghimo na kuno sa iyang kaugalingong movie

Matud pa, maghimo na kono si Kempee de Leon og usa ka pelikula nga susama sa pelikula ni Joey de Leon kaniadto nga nag-ulohan og "Son of Starzan" ug matud pa ni Kempee, excited na kono siya kaayo ug gusto niyang kasugdan na kini.

Nanghinaot siya nga tinud-on kining planoha nga plano sa iyang amahan, ug kay wa may movie outfit ang iyang amahan, ang maghimo niini, mao ang M-Zet Production ni Vic Sotto, ug kon walay mahunahunaang project si Vic Sotto alang sa Metro Manila Film Festival, kini na lang maoy himoon ni Vic Sotto nga entry, ug tingali, moapil sila si Joey de Leon ug Vic Sotto sa maong pelikula isip mga guest stars.

Gani, nanghinaot usab si Kempee nga hangyoon ang vice mayor sa Quezon City nga suod usab niyang higala, si Vice Mayor Herbert Bautista, nga moapil niini isip guest star usab, aron siya suportahan.

"Masarap mangarap, di ba? Wala namang bayad ang mangarap eh ... nagkanayon si Kempee.