Ara wa pay planong makig-boyfriend

Niangkon na ang Star Circle Batch 13 member nga si Jeremiah Rosales nga duna na siyay two kids sa iyang non-showbiz girlfriend nga wa pay klaro kung buwag na ba sila o sige pa. Last episode sa "The Buzz," niangkon si Jeremiah nga daddy na siya ug iyang pinangga ang iyang mga anak.

Sa gibuhat niya, daghan ang nidayeg kay wa siya mosunod sa brother niyang si Jericho nga gitago-tago pa ang anak niya kang Kai Palomares.

Nihangyo ug financial support ang girlfriend ni Jeremiah ug gisaaran sa Star Magic nga mahatagan og regular support ang mga bata gikan sa income niya.

* * *

Nganong kalit nawagtang si Nancy Castiglione sa "Encantadia?" Tinood ba nga love related ang pagbiya niya? Anyway, welcome gihapon siyang mobalik sa fantaserye kay bagay kaayo siya sa iyang role as Muyak. Sa karon, tua sa Canada si Nancy.

* * *

Witness si Rufa Mae Quinto nga si James Yap, ang boyfriend karon ni Kris Aquino, pirme kaniadto sa restawran ni Ara Mina nga Osteria Italia. Niangkon na ang sexy star nga there was a time nga nanguyab niya ang basketbolista pero di pa siya ready makigrelasyon. Usa pa, pareho ni ug initials sa ex niyang si Jomari Yllana.

Napugos sad sa pag-angkon si Ara sa duha niya ka avid admirers nga pulos basketball players. Sila si Eric Menk ug Miguel Doble. Sa karon, sorry to say, wa pa siyay planong makig boyfriend.