Wala na kuno'y kuwarta sa pelikula, say ni Beth

Dili pa dugay didto sa second level sa Adela building (kanhi Century 21 theater) gikaistorya namo sila si Elizabeth Oropesa, Melanie Marquez ug pipila pa ka mga models ni Madame Ellen Lising, ang tag-iya sa naila na kaayo didto sa Manila nga Ellen's Aesthetics Center nga gibuksan usab dinhi sa Sugbo sa maong higayon diin, nanghatag usab si Madame Ellen, pinaagi sa iyang right hand nga si Richard Hinola sa mga samples sa mga beauty products sa Ellen's Line of Beauty Products.

Samtang naghinabi kami si Elizabeth Oropesa daw dili usab mabangbang ang iyang pagkaon sa lechon busa, napangutana gyod nako siya kon gusto ba gyod siya og lechon ug miingon siya, "Cebu lechon, masarap. Ayaw ko sa lechon-Maynila, walang lasa ... kung nasa Cebu ako, kalimotan ko talaga ang pagtaba."

Medyo mibug-at gyod si Elizabeth, apan maanyag gihapon kining beauty queen kaniadto (sunod ni Gloria Diaz, ug gisundan ni Eva Reyes isip Bb. Pilipinas). Naa siya sa "Daisy Siete" apan wa siya'y pelikula sa pagka karon og matud niya, "wala nang pera ang pelikula ngayon."