CM, bag-ong nawong sa showbiz

Adunay bag-ong nawong karon sa kalibotan sa showbiz, si Carlo Magno 'CM' Seletaria, 20 anyos, nag naggikan sa Amerika. Bisan nagdako siya sa US apan Pinoy kaayong tan-awon si Carlo Magno ug may potensiyal gayod siya nga mahimong sikat nga artista sa puting tabil sa umaabot nga mga adlaw.

Daghan og nabatonang talents si Carlo Magno sama sa stage acting, singing, ramp modelling, martial arts expertise ug kahanas sa pagsultig English ug Tagalog. Sa Malabon natawo si Carlo Magno. Nagtungha siya karon sa San Francisco State University ug nanghinaot nga mahatagan og break sa showbiz dinhi sa Pilipinas nga maoy gilubngan sa iyang pusod.