Mga artistang maayong mamiste

Sa tanan kunong mga newscaster, bisa'g may edad na si Mel Tiangco, wa pa gyod kuno'y makalupig niya kon pamiste ang istoryahan. Dili kuno makakita ang mga televiewers kang Mel Tiangco nga ngil-ad tan-awon sa bisan unsang matang sa sapot nga iyang isul-ob.

Sa laing bahin, laing grupo nagkahiusa sa ilang hukom sa pipila ka mga artista karon nga giisip nilang maayo ug nindot tan-awon sa ilang panapot sa unsang higayon nga ilang tambongan ug ang pipila kanila mao sila si Cherrie Gil nga may kaugalingong fashion statement, Melanie Marquez, nga hangtod karon giila pang labing maanyag nga super model sa tibuok kalibutan, Assunta de Rossi, Alessandra de Rossi (nga may ila pod nga kaugalingong fashion statement), Iza Calzado, Anne Curtis (nga sama ni Alessandra, may kaugalingong fashion statement), Cheska Garcia nga class kaayong tan-awon bisan sa mga baratohong sapot, Iya Villania, Jericho Rosales, Geof Eigenman, Raymond ug Richard Gutierrez ug Bernard Palanca, usa sa labing adunahang artista sa nasud, ug Lucy Torres nga dili maisip nga artista.