Lani: 'Labing inila'

Ang labing inilang Pinay singer sa Las Vegas ning panahona mao si Lani Misalucha, suma pa sa Pinoy Star, usa ka newsletter nga gipatik sa Las Vegas.

Si Lani, kinsa nibiya sa iyang malampusong career dinhi sa Pilipinas aron moestablisar og residensiya sa Amerika, adunay show hapit kada gabii sa mga luho nga entertainment places sa Las Vegas.

"Ang pangalan ni Lani anaa kanunay sa mga nagsigasiga nga marquee sa inilang nightspots," matud pa ni Linda Gopez resident sa Las Vegas.

Kakompetensiya ni Lani sa kapopularidad sa Las Vegas mao si Martin Nievera kinsa dugay nang ilado sa Las Vegas, suma pang Ms. Gopez.