Pinay dancers nga 'de kalidad'

Dunay mga nightspots sa Spain diin gipasundayag ang mga ethnic dance troupes matag weekend. Dunay pipila ka dance groups nga gilangkuban og mga Filipina.

Kini sumala ni Evaristo Corcuera, Fil-Spaniard traveller nga nihapit sa Sugbo sa iyang pagbiyahe sa Mindanao di pa dugay.

Matud ni Ginong Corcuera, ang mga sakop niining Pinay ethnic dancing group mga office working girls ug mga estudyante. Desente ang mga costume ug "purely Filipino dances" ang ilang gipakita ngadto's mga nightclubbers.

Lahi sila sa mga Pinay dancers sa nightclubs sa Japan, suma pang Corcuera.