Regatta Girls may movie na

Wala gayod masayop ang Regatta Girls nga si Ed Manuel ang gipili nilang manager. Kini tungod kay kugihan kaayo si Ed nga mangitag proyekto alang sa iyang mga talents. Gani, may pelikula na man nga himoon ang Regatta Girls nga ubos sa direksiyon ni Neal 'Buboy' Tan.

Nagdala sa ulohan nga "Beach Bums" ang maong pelikula gitakdang sugdan pag-shooting sa bulan sa Agosto. Nagplano ang direktor nga mokuha og mga casts sa maong pelikula nga mga environmentalists nga maoy iyang ipares sa Regatta Girls. Matud pa ni Direk Neal, may kalabotan sa pag-atiman sa kalikopan ang buhatong pelikula sa Regatta Girls.

Nagplano si Direk Neal nga gawas sa Regatta Girls, kuhaon usab niya isip dugang sa cast sila si Tonton Gutierrez, Maricel Laxa, Chinchin Gutierrez, Roy Alvarez, Ronnie Lazaro and hopefully, si Aga Muhlach.