Kanunay maghilak si Dina

Morag nahugnoan sa langit si Dina Bonnevie. Adlaw ug gabii siyang maghilak. Ang hinungdan sa kanunay niyang paghilak mao ang pagkalambigit sa iyang ngalan sa dakong eskandalo kalabot sa estafa case sa iyang boyfriend nga si Tim Riggenberg. Naglisod pagdawat si Miss D sa kamatuoran nga naangin siya sa maong kaso.

Kawhaan ug lima ka tuig na si Dina sa showbiz ug karon pa hinuon malambigit ang iyang ngalan sa eskandalo. Iyang giklaro nga dili siya estafadora o kaha swindler hinungdan nga maglisod gayod siya pagdawat sa kamatuoran nga naangin ang iyang ngalan sa kaso sa iyang boyfriend.