Happy si Willie sa iyang kasal

Daghan og suliran nga giatubang karon si Willie Revillame. Apan sa kasal nila ni Liz Almoro sa simbahan nga gipahigayon dili pa lang dugay, gikalimtan niya ang iyang mga suliran. Malipayon siya kaayo atol sa adlaw sa iyang kasal. Dihang daw kakuyapon si Liz, nag-inartista sab sa pagpakuyapkuyap si Willie hinungdan nga gidali siyag sapwang ni John Estrada.

Alegre ang kasal nilang Willie ug Liz. Nagpasabot lang kini nga maantigo siyang mokontrolar sa iyang problema. Ang labing dako niyang suliran karon mao ang kaso nga gipasaka batok kaniya nila ni Salve Asis ug Euanne Bautista. Act of lasciviousness ang maong kaso.